शोध - एक रहस्य(भाग-४)

रात्रीची वेळ...

वॉर्ड मध्ये अचानक.. लाईट जातात..

चंद्रप्रकाशात...

वशिष्ठ आपल्या बेडवर कुणाशी तरी बोलत बसलाय...

वशिष्ठ(बेडवर एकटाच आहे आणि मनाशीच बोलतोय.) “अरे. तुला सांगितल होत न मी इथे येउ नकोस म्हणून जेव्हा वेळ येईल मी स्वत: तुला भेटायला येईल. मग तु इथे का आलास?  कुणी तुला पाहिल म्हणजे”

अदृष्य व्यक्ती. “अरे विसरलास का तु? लहानपणा पासुन फक्त तुच मला बघु शकतोस अजुन कुणी नाही. आपला जन्म हा साधा सुधा जन्म नाहीये आपण एक खुप मोठ कार्य करायला जन्माला आलो आहे. आणि आता ती वेळ आलेली आहे. हेच मी इथे सांगायला आलोय. तु तयार आहेस न.”

वशिष्ठ(थोडस चिडत) “हे बघ मी काय करायच आणि काय नाही हे तु मला नको सांगुस मी काय करायच आहे ते मी बघीन. जस सेवाभावी संस्थेतुन बाहेर यायला मला वेळ लागला नाही तस इथुन बाहेर पडायला ही वेळ लागणार नाही तु फक्त माझी वाट पहा आपल्या नेहमीच्या ठीकणी मी आलो की मग पुढच प्लॅनिंग करुत. आता तु निघ.”

अदृष्य व्यक्ती. “ठीकए... ठीकए... मी फक्त बॉसचा निरोप सांगायला आलो होतो. येतो मी.” अदृष्य व्यक्ती निघुन जातो.

सी. सी. टिव्ही कॅमेराच्या कंट्रोलरुम मधून अशोक(वॉर्ड बॉय) हे सगळ बघत असतो. तो डॉ. रुद्राला बोलावतो आणि व्हिडीओ रेकॉर्डिंग दाखवतो.

डॉ. रुद्रा. “ग्रेट.. गुड जॉब मला हेच हव होत पण एवढयावरच भागुन चालणार नाही. तु अजुन हयाच्या वर पाळत ठेव मला हयाच्या प्रत्येक मुवमेंटचा अपडेट हवाय. सकाळी हयाचा रिपोर्ट बनउन डॉक्टरांना देउत.”

अशोक. “ठीक आहे डॉक्टर मी तुम्हाला सगळे अपडेप देतो.” डॉ. रुद्रा कंट्रोलरुम मधुन निघून जातात. आणि अशोक परत वशिष्ठवर लक्ष ठेवण्यात मग्न होतो.

काही वेळा नंतर...

अशोक चहा घ्यायला बाहेर जातो तेवढयात संधी साधुन वशिष्ठ हॉस्पिटल मधुन बाहेर पडतो.

वर्तमान काळात..

डॉ. रुद्रा. “दॅट्स इट, आता सगळया कडया जुळताएत. सगळ कस स्पष्ट झालय. अशोकवर एक काम सोपवल तर ते ही धड करता आल नाही त्याला हॉस्पिटल मध्ये गेल्यावर आधी त्याला बघतो. पण वशिष्ठच्या अश्या वागण्याने हा काही तरी वेगळाच प्रकार आहे एवढ तरी नक्कीच जाणवत. आता इथुन पुढे खुप सावध रहायला हवं असो वशिष्ठ हरवला कसा एवढ तर समजल. पण ही माहीती ही अर्धवटच आहे जर वशिष्ठ निघुन गेला आहे तर नेमका कुठे गेला असणार. त्याच्या बोलण्या वरुन तो कुणाला तरी भेटायच ठरवत होता पण कुणाला? छे सगळीच उत्तर अनुत्तरीत आहेत उदया डॉक्टरांना भेटूनच ठरवाव लागेल. डॉक्टर रुद्रा विचरातुन बाहेर येत अपल्या बेड कडे जातात.

क्रमश: